Аяллын үнэнд багтсан зүйлс:

• Зочид буудал
• УБ-Замын-Үүд-УБ галт тэрэгний 2 талын пласкардын билет
• Хөтөлбөрт заагдсан хоол
• Аялалын хөтөч
• Хөтөлбөрт заагдсан унаа
• Хөтөлбөрт заагдсан үзвэрийн үнэ багтана.
• Аяллын иж бүрэн даатгал

Аяллын үнэнд багтаагүй зүйлс:

• Ирж, очих замд идэх хоолоо өөрсдөө бэлдэж явна.  Мөн шоппинг хийх өдрүүдэд хоол өөрсдөө идэх
• Хувийн хэрэглээний зардал
• Хөтөлбөрт заагдаагүй үзвэр үйлчилгээний зардал   

Аяллын зөвлөмж:.

Анхаарах зүйлс:

Бичиг баримт:

•  Гадаад паспорт /Гадаад паспортын хүчинтэй хугацаа нь БНХАУ-ын хилээр орох өдрөөс

хойш 6 сараас (183 хоногоос) доошгүй байна./

• Хүүхэдтэй /18 нас хүрээгүй бол гадаад паспорт болон төрсний гэрчилгээ , Бусдын хүүхдийг авч явах тохиолдолд заавал төрсөн эцэг эхээс хүүхдийг нь авч явахыг зөвшөөрсөн нотариатаар батлуулсан итгэмжлэл/-г авч явна.
•  Цахим үнэмлэх

Билетний нөхцөл: Аялагч галт тэрэг, автобусны билет солих, өөр хүн орондоо явуулах, хугацааг өөрчлөх, цуцлах зэрэг хүсэлттэй бол үүнтэй холбогдон  гарах зардлыг аялагч өөрөө хариуцна.

Мөнгөн тэмдэгт :Хятадын валют Юань/CNY/ 1CNY= 380 төгрөг,

Хоол: Ирж, очих замд идэх хоолоо өөрсдөө бэлдэж явна. Мөн шоппинг хийх өдрүүдэд  хоол өөрсдөө идэх байгаа.  Газрын  хилээр тодорхой хэмжээний замд идэх  боловсруулсан махан бүтээгдэхүүн авч гарахын зөвшөөрдөг тул бэлэн бүтээгдэхүүнүүд болон хуурай идэх юм, цай, кофе болон уух шингэн зүйлсээ бэлдэж яваарай. 

Цаг агаар:

Урьдчилсан мэдээгээр  Бээжин хотод +19 +20 хэмийн дулаан байна. Эрээн хотод +25+26 хэм байхааар байна.

Хувцас:

• Биед эвтэйхэн хувцас, Алхаж явахад хөлд хөнгөн пүүз, дулаан цамц, хавар намрын нимгэн куртка  .................зэрэг  авч яваарай.

Аяны хэрэгсэл:

• Шаардлагатай эм /толгой, даралт, гэдэсний болон өвчин намдаах эм болон өөрсдийн байнга уух шаардлагатай эмийг   хэрэглэх хэмжээргээр авч явах ба ямар зориулалтайг заасан  сав баглаа боодолтой байх , их хэмжээргээр авч явах хориотой/
• Мөнгөний паск /чухал бичиг баримт болон бэлэн мөнгө хийх/
• Халуунаа барьдаг усны сав /аян замд автобусанд халуун ус уухад хэрэглэнэ/
• Цай, кофе, ойр зуурын идэх зүйлс
• Хуурай нойтон салфетка
• Саван, шампунь, оо, сойз, алчуур, 00 цаас зэрэг ариун цэврийн хэрэглэл
• Тогны залгуурны хувиргагч....гэх мэт өөрт шаардлагатай зүйлс.

Автобус, галт тэргэнд: Автобусанд аюулгүйн бүсээ байнгын зүүж явах болон автобус явж байхад босож зогсох явах хориотой.  Хурдны замаар явна , зөвхөн зориулалтын 00-той албан ёсны зогсох эрхтэй газар зогсох бөгөөд бусад газарт зогсох боломжгүй, өндөр торгуультай, хууль хатуу байдаг тул автобусанд суухаас өмнө 00 орж, зориулалтын газар жолоочийн зогссон газар 00  орж явахыг анхаарай.

Ачаа тээш: Замд хил гаалиар болон вагон автобусанд ачаа тээшээ өөрсдөө зөөвөрлөж явах тул бид танд ачаа тээшээ хялбар авч явахын тулд дугуйтай цүнх, үүргэвч авч явахыг санал болгож байна.

Галт тэрэг, Автобусанд тээвэрлэх ачааны хэмжээ: Нийт 30 кг ачаа тээвэрлэх эрхтэй.

Хилээр нэвтрэх:

• Хил гаалиар хориотой бараа болох архи тамхи 1 хүний 1 тамхи , архи хүний 2-оос илүү байж болохгүйг анхаарах. Насанд хүрээгүй хүүхэд хил гаалиар архи, тамхи авч гарах хориотой.  Мөн хүнсний зүйл болох мах, хиам зэрэг хүнсний зүйл  хориотой ч газраар хил гарахад өөрсдөө идэх хэмжээний махан махан бүтээгдэхүүн гаргах боломжтой байдаг.
• БНХАУлсын хилээр орох болон гарах мэдээллийг агуулсан Хил, гаалийн хамгаалалтын албаны бүртгэлийн бичиг баримт бөглөх бөгөөд танд үлдээсэн талыг хаяж, үрэгдүүлж болохгүй;
• Ачаандаа power bank, шүдэнз, асаагуур, хутга мэс болон их хэмжээний эм тариа авч орох хориотой.

Худалдаа хийх: Бээжин , Эрээн хотуудад төвлөрсөн гудамж захуудаар худалдаа хийх

Боломжтой

Хувийн хэрэгцээний зардал:

• Худалдаа хийх бол авах зүйлээ монгол дахь ханштай ойролцоогоор харьцуулан  бодож авч явах.

• Замд буюу галт тэрэг, автобусанд хоол, цай авч идэх монгол мөнгөтэй явах
• Замын-Үүдийг хөгжүүлэх сангийн хандивын хураамж 1000 төгрөг
• БНХАУ-ын хил нэвтрэх хураамж 5 юань

Аяллын  аюулгүй байдал:

• Аяллын явцад аяллын компаниас өгсөн заавар зөвлөмжийг хатуу мөрдөнө
• Та аялалд явахын өмнө эрүүл мэндээ хянуулаарай. Аяллын явцад хэт их ядрах, согтууруулах ундаа ихээр хэрэглэхээс зайлсхийгээрэй. Хэрвээ бие тань таагүй байвал яаралтай хөтөчд хэлж эмнэлэгт хандах хэрэгтэй.
• Ойр зуур хэрэглэх эм авч явах. Ханиад хүрэх, гэдэс өвдөх, ходоод эвгүйрэх зэргээс сэргийлж ойр зуурын эм танг бэлдэж явах. Янз бүрийн хууч өвчтэй бол түүндээ тохирсон эм, тариагаа мөн хамт авч явах.
• Бие эвгүйрхсэн юм уу согтууруулах ундаа хэрэглэсэн үедээ буудлын бассейнд сэлэхгүй байх.
• Гадагшаа гарах тохиолдолд буудлынхаа цонхыг сайтар хаах. Үнэ бүхий эд зүйлсээ буудлын сейфэнд хадгалах.
• Авч яваа зүйлс, паспорт зэргээ сэрэмжтэй хянамгай авч явах. Багаараа явж байгаа жуулчид нэг нэгнийхээ тээшийг хянаж, алдаж гээхээс сэргийлэх.
• Чөлөөт өдөр ганцаараа хол явахаас зайлсхийх. Буудлаас гадагш гарахдаа буудлын хаяг, нэрийн хуудсыг заавал биедээ авч явах
• Уулзахаар тогтсон газартаа цагаасаа хоцрохгүй цугларах
• Та байрлаж байгаа зочид буудлын болон усан онгоцны, өрөөний түлхүүр (roomcard)хаяж үрэгдүүлэхээс болгоомжилох, хэрэв алга болгосон тохиолдолд торгууль төлхийг анхаарна уу

Аялагчийн гэрээний үүрэг:

• Аяллын хөтөлбөр, төлөвлөгдөөгүй маршрутаар  группээс салан дур мэдэн гадуур явах, мансууруулах бодис хэрэглэсэн, согтууруулах ундаа хэрэглэсний улмаас амь нас, эрүүл мэнд, эд хөрөнгөнд нь хохирол учирсан, аяллын явцад өөрийн буруугаас гарсан аливаа хохирол, зардлыг  аялагч өөрөө хариуцна.
• Аяллын хөтөлбөр болон төлбөрт ороогүй аливаа бусад зардлыг, тухайлбал зочид буудлын өрөөний мини-бар, гадаад дотоодын утасны яриа, хоолны нэмэлт зардал, гаалийн татвар, илүү ачаа тээшний төлбөр, төлөвлөгдөөгүй тээвэрлэлт гэх мэт төлбөрийг аялагч өөрөө хариуцна.
• Аялагч нь группын ахлагчийн заавар зөвлөгөөг хүндэтгэн үзэж, ганц нэгээр салж явах, бусдаас хоцрохгүй байх, өөрийн эд зүйл, паспорт, мөнгө төгрөгөө хариуцах үүргийг хүлээж, аяллын маршрут, цагийн  хуваарийг нарийвчлан баримтлана.
• Аяллын явцад аялагчийн буруугаас болж гарсан аливаа хохирол тухайлбал: зочид буудал, рестораны эд зүйлийг хагалж эвдэх, зочид буудлын өрөөний түлхүүр, хаалганы картыг үрэгдүүлж гэмтээх, зочид буудлын цагаан хэрэглэлийг урах гэмтээх зэрэг зөрчлийг тухайн аялагч өөрөө хариуцна.
• Группын бүрэлдэхүүнд багтаж байгаа аялагч бусад аялагчдыг хүндэтгэн аялах ба санаа сэтгэл, тав тухтай байдлыг нь алдагдуулахгүй байх.
• Аялагч өөрийн буруугаас  галт тэрэгний билет үрэгдүүлэх, унаанаас  хоцрох, ийнхүү хоцорсноос үүдэн гарах аливаа зардал хохирлыг өөрөө хариуцна.
• Гадаадад зорчигчдын эрүүл мэнд, гэнэтийн ослын даатгалын нөхцөлүүдтэй урьдчилан танилцаж, даатгалын аливаа тохиолдлын үед даатгагдсан даатгалын компанидаа шууд хандана. Хүсвэл аялал зохион байгуулагчийн хамруулсан даатгалаас гадна давхар даатгалд хамрагдаж болно. Энэ тохиолдолд даатгалын төлбөрийг аялагч өөрөө хариуцна.
• Тасалбар нь хатуу нөхцөлтэйг хатуу анхаарах, солих өөр хүн орондоо явуулах, хугацааг өөрчлөх, цуцлах зэрэг хүсэлттэй бол үүнтэй холбогдон гарах зардлыг аялагч өөрөө хариуцна.
• Аялагч аялалд гарахаас өмнө өөрийн биеийн байдал, эрүүл мэндийг заавал эмчид хандан магадлуулсан байх.